عزيزتي الأم عزيزي الأب

عزيزتي الأم عزيزي الأب.. عارفة إنكم خايفين على أولادكم وعايزين لهم الأحسن وكل حاجة، بس ساعات مش بتشوفوا الحاجات زي ما إحنا شايفنها.. فيا ريت تربوا أطفالكم إنهم يختاروا ويقرروا ووسعوا دايرة النقاش مش الإقناع، عشان يتحملوا نتيجة اختيارهم ويبقى عندهم شخصية مسؤولة عن أي قرار ياخدوه.. لحد دلوقتي بشوف ستات ورجالة كبار ماما أو بابا اللي بيختارولهم.
أظن عيب في حقك ده، مش كده ولا إيه؟!

شغّل دماغك شوية وفكر واختار وقرر، عشان دي حياتك إنت مش حياة أي شخص تاني أيًا كان مين الشخص ده. مساحتك الشخصية متسمحش لحد باقتحامها. اسمها مساحتك الشخصية مش مساحتهم الشخصية. اعرف/ي كده كويس. قرروا قرارات كويسة في حياتكم عشان متضطروش تندموا في الآخر.
بس عارفين؟ الندم مش آخر الدنيا برضو.
أتمنى لكم حياة مليانة بقرارتكم بنفسكم.