أساليب منوعة للصدقة

Admin المساهمات : 64 تاريخ التسجيل : 25/12/2015

بسم الله والحمدلله ولا اله الا الله و الله اكبر ..
حبيت اتكلم اليوم عن موضوع فيه الخير والبركة الشي الكثير ..
يكفي ان يقال لنا اللهم اعطي كل منفق خلفا .. وما نقص مال من صدقة والله جل جلاله قال في محكم كتابه انه يربي الصدقات اي يضاعف اجرها ..
الصدقة .. الحبل الذي يربطنا بالله ويظهر مدى تعلقنا فيه ، حيث اننا ننفق الاموال الطائلة على اشياء لا تستحق بينما المبلغ ذاته يعيش اسرة محتاجة لمدة شهر كامل ، لا تحقرون اي مبلغ ممكن يطلع منكم لو ريال واحد تصدقو فيه فما ندري يوم القيامة قد يكون هذا الريال له من الثقل بميزان حسناتك الشي الكثير ..
تذكرو دائما ان الراحمون يرحمهم الله ، ومافي اعظم من الله عز وجل يشملنا برحمته ، الصدقة من الاعمال اللي تقرب الى الله وتبارك لك بحياتك وبمالك وبكل ما تملك وهي من الوسائل الصالحة اللي تتقرب فيها الى الله وتلتمس فيها اجابة الدعوة ..
في حال كنتِ مريضة ، حزينة ، مهمومة ، محتاجة ، مضطرة ، تشعرين بأن الارض ضاقت بك وان الابواب كلها اغلقت ، ترغبين بالزواج ، بالحمل ، بالوظيفة ، دعي الصدقة احد الاعمال اللي ما تنقطعين عنها ابدا في السراء والضراء زيها زي الذكر والدعاء و النوافل فأثرها على حياتك سوف ترينه عاجلا ام اجلا فالله لا يضيع عمل عامل منكم ..
كل مره تتصدقين على فقير اعلمي انك انت من بحاجتهم وليس هم وان الله تفضل عليك لما خلاك تلقينهم وتتصدقين عليهم ، فحاجتك لهم اشد واكبر من حاجتهم لك ..
الامر الاخر حاولو تعودون اطفالكم يشاركون بالصدقة من بقية مصروفهم او من حصالتهم فمن شب على شيء شاب عليه وراح يكتب لكم اجر تعويدهم طول عمركم .. و ايضا يشاركون بتوزيع الصدقات وتشجيعهم على الامر هذا بإستمرار ..
الصدقة امرها يسير واجرها عظيم .. في هذا الموضوع حابه

** اسرد بعض الطرق اللي ممكن نتصدق فيها **

لا يوجد اعظم من سقيا المال فلو مررنا بأي تموينات اشترينا كرتون موية ٣٠٠ مل بسعر لا يتجاوز ٢٠جنيه للكرتون ، وزعناها سواء عمال في الشارع او وضعناها في مسجد فتصورو الاجر المنتظر ..
في السفر الجميع يتوقف عند محطة للبنزين و التموينات كل ما عليك شيء واحد ب ٥٠ ريال ممكن تشتري فيها ( ٢٠ ساندويش مغلف - ٢٠ عصير - ٢٠ مية سعة ٣٠٠ مل ب..ج ) المجموع ٥٠ ج لكل هذا و النتيجة وضع ٢٠ كيس فيه ساندويش وعصير وماء و وزعوها على عمال البلدية الموجودين بالطريق فهم مساكين منقطعين وخارج المدن ..
اذا خرجتي اي مشوار خلي دائما معك مجموعة ريالات او خمسات وقومي بتوزيعها على العمالة اللي تشوفينهم سواء بالمولات او بالشارع عمال بلدية فأجورهم قليلة و الدنيا غالية ..
ولا تنسو خدمكم و سواقينكم ايضا فهم مساكين لولا الغربة ما تكبدو عناء العمل بعيد عن اهلهم واطفالهم ..
ايضا رسائل الحوال النصية اللي تكون للجمعيات الخيرية في حال كنت ترغبين بشيء سهل وبأي وقت ..
تحرو الاسر الفقيرة فبعض الاحياء تكون مليئة بالاسر المحتاجة لا تنسوهم من صدقاتكم سواء مادية او عينية ..
قومو بعمل صندوق في المنزل يتردد عليه الجميع بكل وقت للصدقة ونهاية كل اسبوع تصدقو بالمجموع ..
- في برد الشتاء عبي ترمس شاهي واكواب ورق وخلي احد يروح يصبها للعماله اللي بالبرد يشتغلون ، وفي الصيف علب عصير وموية باردة تتوزع عليهم تخفف عليهم شدة الحر ..
- ايضا كسوة الشتاء الان الكثير يبيعها بأسعار رمزية ، وفي حال كان صعب ومكلف عليك شوفي اللي عندك بالبيت الشيء المركون ولا يستخدم طلعيه للفقراء انت راكنته وغيرك يحتاجه ..

وتقريبا هذة الاشياء في بالي واذا عندكم اساليب للصدقة لا تحرمونا افيدونا بيها عشان نعملها ..
ودائما انوو ان تكون خالصة لوجه الله الكريم وتوسلو بأعمالكم الصالحه ومنها الصدقة بتيسير اموركم و كشف همومكم ..
اسأل الله العلي العظيم ان يغنينا بحلاله عن حرامه وبفضله عن من سواه ، وان يكتب لنا الاجر ولا يحرمنا فضله ، اللهم صل وسلم على رسول الله وعلى اله وصحبة اجمعين ..

Admin المساهمات : 64 تاريخ التسجيل : 25/12/2015

اطعام الطيور من بقايا الأرز اقل شي ضعيه عالنافدة وبالمساء تجدي الرز اختفى. وفكرة وضع علية بلاستيكية ونضع فيها باقي الأرز فيها بدل من ان يتساقط بالطريق افضل وأحسن
وبقايا الخبز ايضا
بقايا الدجاج وضعه للقطط فيه الأجر الكبير ان شاء الله
جزاكي الله خيرا

» أفكار للصدقة اخواتي فى الله